NORDBURGUM

NORDBURGUM

castrum Ducatus Slesuicensis sub proprio Principe ex familia Oldenburgo-Danica. Iohannes enim minimus natu fil. Christiani III. Daniae Regis, frater Friderici II. Regis, cum

numerosam suscepisset prolem, e duabus coniugibus, Elisabetha Brunsuico-Grubenhagia et Agnete Hedvige Anhaltina, ex filiis Iohannes Adolphus natus A. C. 1576. Nordburgum inhabitavit, vitâ defunctus A. C. 1624. Ei postea successit frater Fridericus, qui natus A. C. 1581. Nordburgiam lineam hodieque superstitem orsus est, exstinctus A. C. 1658. Eô nati, ex priori coniugio Iulianâ Saxo Angrivariâ ductâ A. C. 1627. Iohannes Bogislaus, qui privatus Nordburgi vivit: e posteriori matrimonio A. C. 1632. inito Eleonorae Anhaltinae, Christianus Augustus, qui Anglis militavit et Hierosolyma invisit, ac Rudolfus Fridericus, qui in Belgio legioni praesuit: tum ex altero sexu Elisabetha Iuliana (nata A. C. 1634. Antonii Ulrici Ducis Brunsuicensis) Dorothea Hedwig (nata A. C. 1636. Ioh. Friderici Comitis Hohenloici) et Luisa Amoena (nata A. C. 1642. Ioh. Adolfi patruelis uxores,) omnes lineae Sonderburgicae in Nordburg. Vide Phil. I. Spen. Sylloge Geneal. Hist. in Fam. Danica.